* Ацетаминофен (парацетамол) нь ТМТ-д дулаан зохицуулалтын төвд нөлөөлж, простогландины нийлэгжилтийг дарангуйлах замаар өвдөлт намдаах, халуун бууруулах бага зэргийн үрэвслийн эсрэг үйлдэл үзүүлдэг. Ацетаминофены Т1/2 нь 2-2.5 цаг үргэжилдэг * Элэгний эмгэгийн үед энэ хугацаа уртасдаг * Ацетаминофеныг нэг удаа дотуур ууж хэрэглэхэд 24 цагийн дотор хэрэглэсэн эмийн 85% нь шээстэй хамт гадагш ялгарна. Бөөрний ялгаруулах үйл ажиллагаа алдагдсанаас парацетамол, түүний метаболит нь бие махбодид хуримтлагдана * Хлорфенирамин малеат нь үрэвслийн медиатор гистамины Н1-рецепторыг дарангуйлснаар капилляр судасны нэвчимтгий чанарыг багасгаснаар хамар, хамар залгиур, амьсгалын дээд замын салст бүрхүүлийн хаванг бууруулна * Цочимог харшлын гаралтай хэсэг газрын үрэвслийн (хамар, нүдний үрэвсэл) үед шүүрэл багасгах зорилгоор хлорфенираминыг хэрэглэдэг * Хлорфенирамин элгэнд хувиралд орно. Хагас ялгаралтын хугацаа 8 цаг үргэжилдэг. Задралын үед үүссэн метаболит, хувиралд ороогүй хэсэг нь шээстэй хамт гадагш ялгарна * Витамин С (аскорбины хүчил) нь исэлдэн ангижрах процессийг зохицуулахад идэвхтэй оролцдог бөгөөд дегидроаскорбины хүчилтэй хамт устөрөгчийн атомыг зөөвөрлөдөг тогтолцоог бий болгодог. Ингэснээр сульфгидрид, дисульфид агуулсан ферментийг идэвхжүүлснээр бие махбодид ерөнхий идэвхжүүлэх нөлөө үзүүлнэ